Korps sesongen er i gang igjen og medlemmane i Førde Ungdomskorps stiller på med friskt mot. Nytt av året er at vi har gjort ei lita endring i øvingstidene. Vi øver på torsdagar som før, men startar litt tidlegare på kvelden. No øver vi frå 19.00 - 21.00 alle torsdagar. Den fyrste torsdagen i kvar månad har vi langøving. Då øver vi frå 18.30 til 22.00.

Aud Østerbø tek over som leiar i Førde Ungdomskorps etter Rune Nøtseth. Rune har vore leiar i korpset sidan 2008 og han har gjort ein kjempejobb og lagt ned mange dugnadstimar for korpset. Tusen takk for innsatsen Rune ! Aud har vore ein trufast korpsmedlem gjennom mange år og ho har sete i styret i fleire periodar. Ho har også vore medlem av nyttårskomiteen. Vi ynskjer den nye leiaren lykke til med det viktige arbeidet som står framfor ho.

Nyttårskonserten 2011 er no på video. Gå til "Videoarkiv" eller følg linken nedanfor  :

Nyttårskonserten 2011 på video

Kunne du tenkje deg å spele litt igjen, men det begynner å bli ei stund sidan sist? Då har Førde Ungdomskorps eit tilbod til deg!

Frå hausten 2010 set vi i gang med oppfriskingskurs for folk som har lyst til å komme i gang med musikk igjen. Målet er å gi ein mjuk start til deg som har lyst til å spele, men som vil begynne litt forsiktig. Dersom du ikkje har instrument sjølv, kan du låne hos korpset.

Oppfriskingskurset vil haldast på torsdagar kl. 18.30 hos Førde kulturskule. Det vil bli leia av Jason Burn, som òg er fast dirigent for Førde Ungdomskorps. Jason er ein svært kunnskapsrik og inspirerande dirigent. Han har ei unik evne til å få fram potensialet i folk, og Førde Ungdomskorps har gjort store framsteg sidan han begynte hos oss. Vi forstår godt at han blei kåra til beste dirigent då han deltok i NM med Lavik skulemusikk tidlegare i år!Målet vårt med å tilby oppfriskingskurs er sjølvsagt at vi på sikt ynskjer å få fleire medlemmer i korpset. Vi er for tida cirka 25 aktive medlemmer i alderen 16–70 år. Blant våre faste aktivitetar er nyttårskonsert og deltaking i lokale meisterskap. Dessutan tykkjer vi det er kjekt å samarbeide med andre korps i distriktet. Drivkrafta vår er først og fremst speleglede. Korpset har eit triveleg og inkluderande miljø, som vi håper at du har lyst til å bli ein del av.

Dersom du vil melde deg på eller ha meir informasjon, kan du kontakte korpsleiar Aud Østerbø på telefon 992 33 895. Vi ser fram til å høyre frå deg!